Deputetë të opozitës do të shkojnë sot para Drejtorisë së Policisë së Tiranës për të kërkuar lirimin e protestuesve të arrestuar dje në Kukës nga Policia dhe FNSH-ja.
23 prej të arrestuarve u sollën në Tiranë nga komisariati i Kukësit, ku qindra familjarë qenë mbledhur duke kërkuar lirimin e tyre.
Por, edhe në Tiranë, qindra persona u mblodhën para Drejtorisë së Policisë duke bërë thirrje për lirimin e protestuesve dhe situata u tensionua në disa momente kur deputetë të opozitës u futën deri në ambientet e brendshme për të kontaktuar me drejtuesit e Policisë.