E teksa të gjithë na shkon mendja të konkurrenti shqiptar, vlen për t’u theksuar se mundësitë tona për të dalë të parët janë të shumta pasi përfaqësohemi nga gjeniu 6 vjeçar i matematikës, Dionis Senjo.
Vogëlushi Senjo nuk është i panjohur për publikun shqiptar pasi ai ka marrë pjesë që në moshën 2 vjeçare në një sërë emisionesh ku vihen në provë njohuritë në fusha të ndryshme, ku na ka habitur pa masë të gjithëve.
Por kësaj here Dionisi mjaft i bindur për dhuntitë e tij do të na përfaqësojë në shah, një sport që ai e ka mësuar në mënyrë perfekte vetëm për dy javë.
6 vjeçari tashmë gëzon edhe anëtarësinë në Shoqatën Botërore të Gjenive, si shqiptari i parë në histori që kalon këtë test inteligjence.
