Gjyqtarja e Gjykatës Kushtetuese, Altina Xhoxhaj është gjyqtarja e radhës që do të kalojë sot në sitën e vettingut.
Seanca dëgjimore me gjyqtaren Xhoxhaj do të zhvillohet në orën 11:00 pranë Komisionit të Pavarur të Kualifikimit.
Trupa gjykuese përbëhet nga Brunilda Bekteshi, Etleda Çiftja dhe Genta Tafa.
Deri tani procesin e vettingut e ka kaluar vetëm gjyqtarja Vitore Tusha. Ndërsa gjyqtarët Fatos Lulo, Besim Trezhnjeva, dhe prokurorja e Prokurorisë së Shkodrës, Besa Nikëhasani nuk kanë mundur të kalojnë procesin e vettingut.