Kryeministri Edi Rama përmes një postimi në rrjetet sociale ka bërë të ditur nisjen e punës për ndërtimin e segmenteve rrugore Fier-Seman, Pogradec-Tushemisht dhe Qafë Thore-Theth. Këto akse rrugore pjesë e projektit të ndërhyrjes me mbështetjen e Bankës Botërore në 55 km, që lidhin akset rajonale me ato rurale për të nxitur zhvillimin e mëtejshëm të bujqësise dhe turizmit.
Por pas postimit të Ramës, ndjekësit e tij në rrjet nuk kanë nguruar t’i numërojnë një seri kritikash. Një qytetar i shkruan Kryeministrit se është shumë i vonuar qoftë për ndryshimet që paralajmëroi nga Asamblea Kombëtare e PS-së, qoftë për projektet në zonat turistike.
