KLSH kallëzon në prokurorinë e rrethit gjyqësor Dibër dy ish drejtorë juristin dhe hartografin të drejtorisë rajonale të ALUIZNI-t Dibër
Në raportin e KLSH-se thuhet: Drejtoria Rajonale e ALUIZNI-t Qarku Dibër ka kryer legalizime të jashtëligjshme për objektet informale të cilat kanë cënuar rrugët nacionale, distancat nga rrugët e kategorisë B, brigjet e lumit, përrenj dhe në Zonat e mbrojtura. Kanë kualifikuar 331 objekte, por nuk kanë kryer procedurat për VKM duke i vonuar nga 1-3 vjet, kanë kryer legalizime në Zonat e Mbrojtura pa leje mjedisore, legalizuar objekte në afërsi të lumit Mat, kanë legalizuar objekte mbi objektet shtetërore me një dëm ekonomik në vlerën 80,7 milion lekë, legalizuar truall mbi trefishin pa zbatuar çmimin e tregut të caktuar me VKM me dëm ekonomik në vlerë 6,6 milion lekë, si dhe ka shmangur procedurat ligjore për vërtetimin për likuidimin e taksës së ndikimit në infrastrukturë, duke krijuar një mungesë të ardhurash ne buxhetin e shtetit në vlerën 288,2 milion lekë.”