Një biznesmen 54 vjeçar përfundoi në prangat e Policisë së Vlorës, nën akuzën e falsifikimit të dokumenteve duke përfituar një sipërfaqe të madhe toke.
Në pranga përfundoi Pëllumb Petritaj, banues në këtë qytet.
“Nga hetimet e kryera, dyshohet se Pëllumb Petritaj ka falsifikuar dokumentacionin e origjinës në lidhje me një sipërfaqe toke prej 100 Ha në zonën e Zvernecit”, sqaron policia lokale.
Gjykata e Shkallës së Parë Vlorë ka caktuar masën e sigurisë “arrest me burg” një ditë më parë (9 tetor).