Gazetari Trazhgim Sokolaj i ftuar në “360 Gradë” në Ora News, tha se në përgjimet voluminoze të grupit të trafikut të drogës nga Shijaku, dalin edhe emra deputetësh dhe kryebashkiakë. Ai thotë se grupi ka hotele në Durrës, Tiranë dhe në Gjermani.
Sokolaj: Për këtë rastin e 44 urdhër-arresteve është e njëjta dosje ku ishte i përfshirë kryebashkiaku Vangjush Dako dhe një grup nga Kosova të përfshirë në trafik narkotikësh. Origjina e kësaj çështje është një referim nga Policia e Kavajës për një ngarkesë prej 2 ton drogë që është nisur nga Kavaja në Itali. Prokuroria e Krimeve të Rënda në momentin që ka shkuar në Gjykatë ka vendosur ndarjen e procedimit penal për kryebashkiakun dhe grupin nga Kosova dhe po i vazhdon hetimet.
Përgjimet ndaj këtij grupit të Shijakut që ka hotele në Durrës, Tiranë madje edhe në Gjermanë, në përgjime përmenden jo vetëm kryetar bashkish, drejtor hipotekash, drejtor burgjesh, por të paktën 20 deputetë, majtas dhe djathtas. Prokuroria është ndodhur para një materiali shumë voluminoz.
Vezaj: Bëhet fjalë edhe për një ministër të qeverisë Rama tani.
Sokolaj: Prokuroria duhet të sqarojë kush është implikimi i këtyre personave.