Një operacion i madh është ndërmarrë gjatë natës nga policia italiane. Flitet për 22 të arrestuar me kërkesë të Drejtorisë së Antimafias italiane e prokurorisë së Brescias.
Mes të arrestuarve është dhe biznesmeni shqiptar në Itali Gëzim Sallaku, presidenti i klubit të futbollit Darfio, shkruan Bresciatoday.it.
Media italiane shkruan se në pranga kanë rënë 4 vëllezërit Sallaku pasi i janë gjetur tre pistoleta që i mbanin pa leje. Nuk është e qartë ende lidhja mes personave të arrestuar por mësohet se policia ka ndërhyrë për të shkatërruar një organizatë kriminale të përbërë nga shqiptarë dhe italianë që merrej me trafikun e drogës në disa provinca në Itali.
Janë arrestuar vëllezërit Isuf, Taulant dhe Saimir Sallaku.
Pritet që të ketë një konferencë për median në orët në vijim.