Këshilli i Lartë Gjyqësor (KLGJ) miratoi sot dorëheqjen e gjyqtarit Metush Saraçi.
“Këshilli miratoi deklarimin e mbarimit të statusit të gjyqtarit Metush Saraçi, për shkak dorëheqjeje”, informon zyra e shtypit pranë KLGJ-se.
Ish-kryetari i gjykatës së Apelit të Tiranës i paraqiti dorëheqjen presidentit të Republikës, si dhe Komisionit të Pavarur të Kualifikimit. Mësohet se në dorëheqjen e tij, 2 dhjetor 2018 ish-kreu i Gjykatës së Apelit të Tiranës kishte dhënë si argument arsyet shëndetësore për shkak të moshës që sipas tij nuk e lejonin të vijonte detyrën si gjyqtar në gjykatën e Apelit.
Metush Saraçi deri në vitin 2011 ka mbajtur detyrën e kreut të Gjykatës Apelit në Tiranë. Pas këtij viti ai ka qenë gjyqtar në këtë institucion.