Një 41 vjeçar shqiptar i dëbuar nga autoritetet italiane është rikthyer sërish në vendin fqinj, duke përdorur dokumente të reja identifikimi.
Shqiptari kishte ndryshuar mbiemrin e tij me atë të gruas, por as kjo nuk e ndihmoi të qëndronte në Itali.
Policia lokale e identifikoi atë teksa qëndronte në heshtje në një bar në qendër të Carrarës. Ai u arrestuar për hyrje ilegale në vend.
Vendimi për dëbimin e tij nga territori italian u mor në maj të vitit 2014 nga gjykata e Torinos, duke e shpallur atë rrezik për sigurinë publike për shkak të krimeve të tij.
Vetëm në zonën e Massa Carrara, shqiptari kishte kryer krime njëri-pas tjetrit që nga viti 2005, duke u përballur me dënime të ndryshme deri në vitin 2015 kur u dëbua nëpërmjet Bolonjës. Në bazë të vendimit, ai nuk duhej të kthehej për të paktën 5 vite.
Për të anashkaluar vendimin dhe për të kaluar kontrollet në kufi, ai mori një pasaportë të re në Shqipëri duke përdorur mbiemrin e gruas.
Karabinierët e Carrara të mërkurën pasdite, gjatë patrullimit, e njohën atë në një bar në qendër të qytetit, i ulur në tryezë me njerëz të tjerë.
Policia nuk kishte dyshim sepse fytyra e tij ju kujtua mirë, pasi ishte arrestuar vite më parë në përfundim të një hetimi të madh të quajtur “Total Arno”, i përfshirë në shfrytëzimin e prostitucionit, ku nëpërmjet kërcënimit e armëve kishte marrë kontrollin e krahinës.
Për këtë seri krimesh të rënda, ai u arrestua dhe u dënua me tetë vjet burg dhe më pas dëbimit.
Të premten në mëngjes, gjyqtari Valentina Prudente i Gjykatës së Massa e ka vërtetuar arrestimin dhe shtyu gjyqin në prill. Ndërkohë, 41 vjeçari duhet të paraqitet disa herë në ditë tek karabinierët.