Dy vëllezërit indianë, të cilët akuzohen për pastrim parash janë larguar nga Rinasi në datën 20 mars.
Nitin dhe Chetankumar Sandesara akuzohen në Indi për vjedhjen dhe pastrimin e 725 milionë dollarëve. Pasi kanë mbërritur në Shqipëri, ata kanë krijuar kompani investimesh.
Dhënia e nënshtetësisë shqiptare për dy shtetasit indianë ka vënë në dyshim funksionimin e institucioneve të sigurisë shqiptare.
Në reagimin e tij presidenti, Ilir Meta, ka deklaruar se për shtetasit e huaj, Nitin dhe Chetankumar Sandesara janë zbatuar procedurat ligjore bazuar në pikën 7, të nenit 9 të ligjit “Për shtetësinë shqiptare”.
Propozimi ka ardhur nga Ministria e Turizimit dhe Mjedisit, për shkak të eksperiencës në investime dhe historikut të sipërmarrjeve të suksesshme jashtë Republikës së Shqipërisë dhe për shkak të angazhimit të tyre për realizimin e investimeve të rëndësishme elitare në vendin tonë.
Madje Presidenca sqaron se janë bërë të gjithë verifikimet nga agjencia ligjzbatuese nga e cila nuk kanë rezultuar të dhëna problematike për dhënien e shtetësisë shqiptare.