Nuk kanë të ndalur shpërthimet me tritol në Fushë Krujë.
Pas rastit me mobilerinë, një tjetër shpërthim eksplozivi është shënuar rreth orës 3 të mëngjesit të ditës së sotme në fshatin Kamberas, kësaj herë në një ofiçinë.
Ofiçina ndodhet në aksin Fushë Krujë-Krujë.
Fatmirësisht nga shpërthimi i lëndës plasëse nuk ka të lënduar, vetëm dëme materiale që llogariten në disa milionë lekë.
Demtime ka patur çatia e ofiçinës, vetratat e dyerve e dritareve si dhe çatia e katit të dytë të një objekti ngjitur.
Nuk dihen shkaqet apo arsyet e këtij akti, pasi të zotët e ofiçinës njihen në komunitet si njerëz punëtorë, pa konflikte dhe probleme.