Edhe pse përbën rreth 90% të numrit total të subjekteve në vend biznesi i vogël po përballet me një sërë problemesh.
Banka e Shqipërisë raporton se në gjashtë mujorin e dytë të 2018 vlerësoi në rënie të konkurrencës, ecurinë e shitjeve si dhe zgjerimin e aktivitetit. Për të përballuar situatën bizneset kanë parë si zgjidhje huat bankare që kanë arritur në 10.7% të ndërmarrjeve të vogla.
Gjatë periudhës të marrë në analizë, bizneset raportojnë se problematikat lidhur me aksesin në financim dhe kostot e financimit vlerësohen në rritje nga ndërmarrjet e mesme, por në zbutje nga ndërmarrjet e vogla dhe të mëdha.
Ecuria e aktivitetit të ndërmarrjeve të mesme dhe të mëdha rezulton të jetë më pozitive, pasi shitjet vlerësohet në rritje gjatë gjashtëmujorit të dytë 2018, për ndërmarrjet e mesme dhe të mëdha duke reflektuar edhe zgjerimin e veprimtarisë së ndërmarrjeve të mesme dhe të mëdha.
Përsa i përket pritshmërive subjektet shprehen me optimizëm lidhur me shitjet, rezultatin financiar dhe zgjerimin e veprimtarisë. Por në përgjithësi në krahasim me të njëjtën periudhë të vitit të shkuar shënohet rënie, veçanërisht në rastin e ndërmarrjeve të vogla.
Futja e bizneseve të vogla në Tvsh gjatë vitit të kaluar është vlerësuar me rritje kostosh për bizneset sipas FMN.
Një vendim i tillë u kundërshtua edhe nga vetë bizneset por pavarësisht kësaj rreth 12 mijë biznese u përfshinë në skemën e Tvsh-së.