Ndërsa konstituimi i këshillit bashkiak në Shkodër u shënua me incidente, pas dorëheqjes së Valdrin Pjetrit nga posti i kryebashkiakut, ende pa marrë detyrën, kryeministri Edi Rama duket i vendosur në zbatimin e projekteve për këtë qytet.
- Një ndër to është edhe vija e liqenit të Shkodrës. Përmes një postimi në facebook, ilustruar përmes fotove, Rama shkruan se ka nisur faza e parë e këtij projekti, për të cilin qeveria shqiptare ka siguruar një financim të Bankës Europiane për Rindërtim e Zhvillim dhe Komisionit Europian.
“SE SHPEJTI… Ja se si do të transformohet vija e liqenit të Shkodrës nga Shiroka, ku ka nisur faza e parë e këtij projekti, e deri në Zogaj😁 Pēr këtë projekt, Qeveria Shqiptare ka siguruar një financim të Bankës Europiane për Rindërtim e Zhvillim dhe Komisionit Europian👍🇪🇺” – shkruan Rama, bashkëngjitur fotove.