Avokati Spartak Ngjela thotë se reforma zgjedhore do të mbetet vendnumëro nëse nuk përfshihen amerikanët.
Ngjela: Nëse politika amerikane nuk fut forcën për ta bërë këto dy parti nuk e bëjnë. Do të lënë këtë sistem. Ky sistem pjell vetëm marrëzi, shkatërrim dhe vjedhje. Nuk ka votë të lirë në Shqipëri nëse nuk ka ardhur te mazhoritari, aty ku kemi qenë.Duhet të ketë betejë elektorale. Një shoqëri pa betejë elektorale është shoqëri jodemokratike.
I ftuar në edicionin qëndror të lajmeve në RTV Ora, Ngjela tha se ndryshimi i sistemit do të kërkohet nga opozita e re në Kuvend.
Ngjela: Opozita properëndimore do të kërkojë sistemin, ky sistem, është antikombëtar. Opozita tjetër ka ikur vetë, nuk ka të drejtë vote në parlament.