Pas denoncimit në një emision investigativ, policia ka vënë në pranga pedagogun e Universiteti të Elbasanit që i kërkoi favore seksuale studentes në këmbim të notës.
Uniformat blu arrestuan pedagogun 36-vjeçar me iniciale D.H.,
Policia ka vënë në pranga pedagogun me iniciale D.H., në Universitetin “Aleksandër Xhuvani” për veprat penale “Ushtrimi i ndikimit të paligjshëm ndaj personave që ushtrojnë funksione publike” dhe “Korrupsioni pasiv i personave që ushtrojnë funksione publike”.
“Ndalimi i tij u bë pas transmetimit të pamjeve filmike në një emision investigativ, ku ky shtetas i kërkonte favore seksuale një studenteje në këmbim të dhënies së provimeve,”-raporton policia.
Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
/Ora News.tv/