Një grua shqiptare është goditur për vdekje në Zakinthos të Greqisë nga një makinë që drejtohej nga një grua 30-vjeçare vendase.
Shqiptarja 55 vjeçe gjeti vdekjen këtë mëngjes në fshatin Agjios Dhimitris të Zakinthos.
Në momentin e përplasjes gruaja po kalonte rrugën me fëmijën për dore për ta çuar në shkollë
Por, sipas Policisë, autorja e aksidentit, që kishte fëmijët e vet në makinë, e la gruan e aksidentuar në asfalt dhe iku.
Menjëhërë Policia e Zakinthos bashkë me Policinë Rrugore të ishullit, u mobilizua për ta gjetur autoren, mblodhi dëshmi nga ata që e panë skenën dhe pas kësaj, e arrestuan 30-vjeçaren.