Kompania e fluturimeve Adria Airways ka shpallur falimentin. Ditën e hënë ajo dorëzoi kërkesën për procedurat e falimentit në Gjykatën e Rrethit Kranj në Slloveni.
“Procedurat e falimentimit u iniciuan nga administrata e kompanisë dhe bazuar në Operacionet Financiare Sllovene, Procedurat e Falimentimit dhe Aktin e Mbylljes së Detyrueshme (ZFPPIPP), i cili detyron menaxhimin e një kompanie në pozicionin e Adria Airways të paraqesë procedurat e falimentimit të kompanisë”, thuhet në njoftimin e kompanisë.
Më tej në njoftim thuhet se Gjykata ka një periudhë ligjore tre-ditore brenda së cilës do të vendosë për hapjen e procedurave të falimentimit.
Po ashtu kompania njofton se do të anulojë të gjitha fluturimet e planifikuara për shkak të fillimit të procedurave të falimentimit.