Një 21-vjeçar është proceduar penalisht pasi u kap me armë sportive imituese në qytetin e Lezhës.
Gjatë një kontrolli të ushtruar në mjetin tip ‘Audi”, të të riut me iniciale K. N., uniformat blu i gjetën brenda çantës së dorës një armë sportive imituese tip pistoletë, me një krëhër dhe një fishek.
“Procedimi i shtetasit me iniciale K. N., 21 vjeç, banues në Lezhë, u bë pasi në qytetin e Lezhës, gjatë kontrollit të ushtruar në mjetin tip “Audi”, brenda në çantën e tij të dorës iu gjet dhe sekuestrua në cilësinë e provës materiale një armë sportive imituese tip pistoletë, me një krëhër dhe një fishek,”-njofton policia.
Materialet hetimore iu referuan Prokurorisë pranë Gjykatës së Shkallës së Parë Lezhë, për veprën penale “Mbajtja pa leje e armëve të gjuetisë dhe sportive”.