Presidenti i vendit Ilir Meta ka nisur sot vizitën shtetërore në Kroaci me ftesë të homologes së tij Kolinda Grabar-Kitarović.
Vizita shtetërore e kreut të shtetit në Zagreb do të zgjasë dy ditë.
Ajo vjen në prag të marrjes për herë të parë të Presidencës së Bashkimit Europian nga Kroacia.
Në Zagreb në maj 2020 do të zhvillohet edhe Samiti i radhës që do të marrë në shqyrtim kërkesën e Shqipërisë dhe Maqedonisë së Veriut për hapjen e negociatave me BE.
Në kuadër të vizitës në Kroaci, Meta do të takohet edhe me Kryetarin e Kuvendit Gordan Jandroković, Kryeministrin Andrej Plenković, si dhe me përfaqësues të komunitetit shqiptar.