Presidenti Ilir Meta vijon me ftesat e tij, në përpjekje për të zgjidhur ngërçin dhe krizën institucionale që ka kapluar vendin.
Pas ftesës për takim që, kreu i shtetit i dërgoi kryetarit të PD Lulzim Basha, kryetarëve të partive të koalicionit Opozita e Bashkuar dhe Këshillit të Ambasadorëve shqiptarë, së fundmi Meta fton dhe Fondacionin për Shqoëri të Hapur, SOROS, për një takim javën në vijim.
Ftesat për takime nga presidenti i Republikës vijnë pas përplasjeve me mazhorancës sa i përket emërimeve në Gjykatën Kushtetuese.
Kujtojmë se, përfaqësues të Fondacionit për Shoqëri të Hapur kanë patur një angazhim të madh sa i përket reformës në drejtësi.
A do ti përgjigjen ftesës së presidentit anëtarët e fondacionit, i cili kohë më parë u sulmua publikisht nga Meta? Kjo mbetet për tu parë në javën në vazhdim… /Syri.net