Një ish-polic është vrarë me armë zjarri në rrethana të paqarta në Kurbin.
Ngjarja ka ndodhur reth orës 07:23 ,në afersi të një banke, në qytetin e Laçit.
Viktima është identifikuar si Xhelal Reçi. Ka qenë një plumb i vetëm që i ka marrë jetën 60-vjeçarit.
Sipas informacioneve viktima kishte dhe disa biznese në qytetin e Laçit.
Shërbimet e Policisë kanë rrethuar zonën, si dhe janë ngritur pika kontrolli, me qëllim kapjen e autorit.
Në ndihmë të Policisë lokale janë nisur grupe të FNSH-së dhe një grup i posaçëm hetimor për të bërë të mundur zbardhjen e plotë të rrethanave të ngjarjes, identifikimin dhe kapjen e autorëve.