Ministri i Brendshëm, Taulant Balla ka përgëzuar policinë për parandalimin e një ngjarjeje kriminale në Krujë. Balla ka thënë se mbi ligjin dhe qytetarët nuk do ketë më individë të fortë.
Postimi i Ballës:
Do bëjmë gjithçka që në territorin e Shqipërisë të mos ketë më feude apo bajraqe, ku mbi ligjin dhe mbi qytetarët të jenë të fortët dhe nuk mund të ketë individë më të fortë, sesa e bardha e vijave të rrugës apo e kuqja e ngjyrës së semaforëve.
Përgëzoj Policinë e Shtetit për parandalimin e një ngjarje të rëndë kriminale në Krujë dhe ndalimin e personave që guxuan të kërcënojnë një qytetar, i cili kishte denoncuar një paligjshmëri.
