Per kryetarin e Partisë Demokratike, rreziku kryesor me te cilin përballet Shqipëria sot, është lidhja e krimit me politiken.
Gjate nje takimi me përfaqësues të Institutit Demokrat Amerikan, Basha vuri theksin tek situata e vështire qe është krijuar pas publikimit të fakteve për lidhjet e qeverisë me trafikun ndërkombëtar të drogës, duke theksuar se zgjidhja qëndron tek krijimi i një qeverie antimafia.
Basha ka vene ne dukje rendësine qe kane per organizimin e zgjedhjeve te lira aplikimi i teknologjisë dhe kontrolli i financimit te partive politike.
Ne lidhje me financimin e zgjedhjeve, lideri i opozitës Basha shprehu shqetësimin e përdorimit të parave të pista në fushatë, duke përmendur përgjimet e antimafias italiane ku thuhej se Saimir Tahiri shpenzoi 20 milionë euro, të ardhura nga trafiku i drogës, për fushatë.
Delegacioni i Institutit Demokratik Amerikan ndodhet ne Tirane, pikërisht per t’u ofruar partive politike asistence për transparencën, menaxhimin dhe mbikëqyrjen financiare.