Partia Socialiste ka çuar në Gjykatë Kushtetuese mandatin e kryetari të Bashkisë Mallakastër, Agron Kapllanaj nga radhët e PD.
Kërkesa është depozituar në Kushtetuese nga 49 deputetë socialist, kjo pasi Komisioni Qendror i Zgjedhjeve nuk i hoqi mandatin Agron Kapllanajt.
Pak ditë më parë Komisioni Qendror i Zgjedhjeve rrëzoi me 4 vota kundër të anëtarëve të opozitës, kërkesën e dy anëtarëve të PS-së, për ti hequr mandatin kryetarit të bashkisë së PD-së Mallakastër, Agron Kapllanaj.
PS kërkoi heqjen e mandatit dhe mbajtjen e zgjedhjeve të parakohshme në Mallakastër pasi kreu aktual është subjekt i dekriminalizimit.
Më herët sekretari i Përgjithshëm i PS-së, Taulant Balla akuzoi Prokurorinë e Përgjithshme se ka shkelur ligjin lidhur me rastin e Kapllanajt.
Sipas Ballës Kapllanaj ishte i dënuar me 2 vjet heqje lirie në vitin 2004 por prokuroria ka mbyllur sytë.