Ne mes te dimrit, niveli i ujit eshte me i ulete se ne vere
Sa i perket nivelit te ujit ne rezervuarin e Shtodrit, 5 kilometra ne verilindje te qytetit te Shkodres, reshjet e diteve te fundit nuk jane ndier fare. Perkundrazi, ekrani i këtij rezervuari te ngjane me nje pellg uji, aq sa edhe ne pikun e vapes se veres nuk eshte ne kete gjendje ! Ne fakt ka ndodhur keshtu jo se ne kete zone nuk kane rene reshje shiu dhe jo se perrenjte nuk kane sjelle prurje ujore, por eshte lene porta e shkarkimit hapur dhe e gjithe sasia e ujit te mbledhur me rrjellje te lire përfundon ne kanalin e Shtodrit, qe nje pjese shkon ne lumin Kire dhe pjesa tjeter deri ne fshatrat fushore te Malesise se Madhe. Kapaciteti i këtij rezervuari eshte 11 milion meterkub uje, i cili ruhet per tu përdorur gjate veres ne ujitjen e fushes se Mbishkodres, nga Postrriba dhe deri ne Koplik. Por me gjendjen e sotme, kuptohet qarte se ketu nuk behet fjale per kurrfarë menaxhimi te ujit te këtij rezervuari dhe as per administrimin e tij. Perderisa edhe ne kushte dimri e me reshje, niveli eshte me i ulet se ne korrik – gusht, atehere rezulton se nga ky rezervuar, po vazhdoi keqadministrimi i tij si deri tani, vetem uje nuk do te rrjedhe per vaditje ne vere, pasi eshte lene te thahet qe ne dimer !