Aksident në punë, shqiptari në Itali përplaset për vdekje nga një makinë

Një shqiptar ka humbur jetën në Itali pas një aksidneti në punë. Ngjarja ka ndodhur në komunën Tortona në rajonin e Piemontes, ndërsa viktima është Ylber Islami, 47 vjeç.

Shqiptari po punonte në kantierin rrugor të hapur në afërsi të qytezës së Castello d’Annione në autostradën Torino-Piacenza kur është goditur për vdekje nga një makinë tip “Toyota Aygo” e drejtuar nga një grua 39-vjecare.

Babai i dy fëmijëve jetonte prej disa vitesh në komunën Toronta. Drejtuesja e mjetit që shkaktoi aksidentin është arrestuar.