Kryeparlamentari Gramoz Ruçi ka kërkuar përjashtimin nga Kuvendi të ministrit të Jashtëm, Ditmir Bushati, lidhur me reagimin e tij në seancën e sotme. Në kohën kur situata në sallën e seancave plenare u tensionua, ministri Bushati ka hedhur ujë në drejtim të deputetëve të opozitës.
Këta të fundit kanë hedhur në drejtim të kryeministrit miell, vezë, dhe letra.
Sipas burimeve , Ruçi do të mbajë qendrim korrekt ndaj të gjithë parlamentarëve që tensionuan situatën.
Për tensionet dhe sendet e hedhura në sallën e Parlamentit, Partia Socialsite ka kërkuar edhe përjashtimin e disa deputetëve të opozitës, si: Edi Paloka, Ervin Salianji, Indrit Brahimllari, Kejdi Mehmetaj, Klevis Balliu, dhe Flamur Noka.
Këto kërkesa do të diskutohen pasditen e sotme në Byronë e Kuvendit, e cila do të mblidhet në orën 18:00