Saturday, May 18, 2024
Home Kronika Xhaxha dhe nip dënohen me burgim të përjetshëm për vrasjen e grekut...

Xhaxha dhe nip dënohen me burgim të përjetshëm për vrasjen e grekut në ’96

0
493

Gjykata e qarkut në Selanik ka dënuar me burgim të përjetshëm dy shtetas shqiptarë, xhaxha dhe nip, të akuzuar për një vrasje të kryer 22 vjet më parë.

Bashkë me ta është gjykuar edhe një vëllai i njerit prej tyre, që atëherë ishte 15 vjeç, prandaj dhe çështja u la të gjykohet nga gjykata e të miturve.

Sipas akuzës, vrasja ka ndodhur në 3 shtator 1996, në një fshat të rrethit Pela, në Greqinë e veriut. Viktima, një blegtor vendas, kishte punësuar si bari djaloshin 15 vjeçar dhe marrëveshja ishte që ta paguante me 1.000 dhrahmi në ditë. Mirëpo, pasi e shfrytëzoi për 19 ditë, blegtori nuk pranoi ta paguante djaloshin dhe kjo ndezi zemëratën e xhaxhait dhe vëllait të tij që gjithashtu ishin emigrantë në ato zonë.

Prandaj mbrëmjen e 3 shtatorit 1996 i dolën përpara blegtorit, e rrahën dhe e goditën me sende të forta që i shkaktuan plagë me pasojë vdekjen.

Kufoma e blegtorit 52 vjeçar u gjet të nesërmen nga familjarët, e hedhur poshtë urës së një kanali kullues.

Policia kishte bërë përnjëherë identikitin e të dyshuarve, nisur nga mosmarrëveshja për çështjen e pagesës që ishte mësuar edhe nga fshatarë të tjerë.

Por të tre ata ishin larguar ndërkaq për në Shqipëri, ku vetëm muajt e fundit u arrit të identifikoheshin nga Interpoli dhe t’u dorëzohet thirrja për gjyqin në Selanik ku ata nuk u paraqitën dhe as pajtuan ndonjë avokat që t’i përfaqësone.

Tashmë, autoritetet greke do të kërkojnë ekstradimin e tyre që të vuajnë dënimin në Greqi.

LEAVE A REPLY

Please enter your comment!
Please enter your name here