Plazhi i Tales vuan ende mungesën e shërbimit shëndetësor

0
1548

Mungesa e shërbimit ambulator shoqëron prej vitesh banorët dhe pushuesit në plazhin e Tales.

Urgjenca më e afërt ështe në Tale 2, por aty nuk ka as makinë. Ky shërbim është marrë nga spitali i Lezhës që ndodhet 25 kilometra larg bregdetit.

Një vit më parë, një shtetas kosovar humbi jetën pa mundur të marrë ndihmën e parë pasi autoambulanca vonoi për shkak të trafikut.

Administratori i Shënkollit Albert Rrusti, thotë se mungesa e shërbimit ambulator gjatë sezonit turistik është një problem.

Albert Rrusti: “Është e pamundur që të përballohet fluksi i madh pushuesve në brengdetin e Tales sepse këtu frekuentojnë rreth 25.000-30.000 pushues në ditë dhe ne i kemi kërkuar Ministrisë së Shëndetësisë vendosjen e një shërbimi ambulant pranë zonës që plazhit që pushuesit të marrin ndihmën e parë sa më shpejt.”

Në Drejtorinë Rajonale të Shëndetësisë në Lezhë thuhet se në bashkëpunim me Ministrinë e Shëndetësisë, rasti është në vlerësim.

Drejtorja Zoje Zefaj, thotë se shërbimi do të garantohet gjatë verës

Zoje Zefaj: “Po merren masat për mirëfunksionimin e shërbimit shëndetësor në sezonin turistik në Talë. Sigurisht që duhet përmirësim dhe do të ketë shërbim mjekësor padiskutim.”

Në stinën e verës, në Tale dhjetëfishohet numri i rezidentëve ditorë, e kjo do të thotë më shumë pacientë që mund të kërkojnë shërbim ambulator.

LEAVE A REPLY

Please enter your comment!
Please enter your name here