Pas operacioneve të bujshme të policisë, ka reaguar sërish kryeministri Edi Rama.
Në një postim në twitter, Rama thotë se “atyre që bëjnë politikë me krimin, lufta kundër krimit u rrit dëshpërimin”.
Sipas Kryeministrit, sa më fort do ta godasim krimin, aq më e dëshpëruar do të bëhet kundërvënia e tyre.
“Ne do ta bëjmë këtë vend të pajetueshëm për kriminelët dhe të pashpresë për ata që me krimin bëjnë politikë” thotë Rama.
Reagimi i kryeministrit vjen si përgjigje nga akuzave të opozitës.
Pasditen e sotme, në pranga ranë dy ish-deputetët socialistë Arben Çuko dhe Arben Ndoka.
Ndërkohë një operacion i gjerë antidrogë është shtrirë në qarqet kryesore të vendit.
Në Shijak u arrestuan pesë persona, mes tyre tre vëllezërit Avdyli të njohur si të fortët e Shijakut.Ata akuzohen për trafik ndërkombëtar heroine.
Në Durrës dhe Sarandë vijojnë kërkimet për Lulzim Berishën dhe Klement Balilin.