Ministri i Jashtëm, Ditmir Bushati bëri me dije se Parlamenti Evropian ka rrëzuar një kërkesë të eurodeputetes qipriote Eleni Theocharous për trajtimin e çështjes së minoritetit në Shqipëri. Eurodeputetja u shpall pak ditë më parë “non grata” nga Shqipëria.
Bushati: Eurodeputetja e shpallur non-grata ka kërkuar sot qe çështja e minoritetit grek te diskutohej ne Parlament Evropian por është votuar kundër. Nuk bëhet fjalë për sharjet ndaj qeverisë. Në këtë rast bëhet fjalë për cenim të interesave shtetërore.
Gjatë një interviste në “Real Story”, Bushati tha se në situatën e krijuar pas ngjarjeve në Bularat, Shqipëria ndodhet një hap më larg me Greqinë.
Bushati: Jemi një hap më larg më larg. Një klimë agresive në opinionin publik apo një lloj helmatosje në këtë proces të rëndësishëm, ndikon bisedimet mes Greqisë dhe Shqipërisë.