Në një takim me të rinjtë, kryetari i Partisë Demokratike Lulzim Basha ka paraqitur një pjesë të programit të kësaj partie për punësimin.
Sipas tij, hapi i parë që do të ndërmerret pas marrjes së mandatit qeverisës, do të jetë anulimi i ligjit për arsimin e lartë.
Basha: Gjëja e parë që duhet të bëjmë dhe sa më përket mua do ta bëjmë, është anulimi i ligjit të arsimit të lartë që është një ligj korruptiv, katastrofik, i dështuar.
Basha premtoi dhe stazhe me pagesë për studentët.
Basha: Do të bëjmë e cila kushton pak më shumë se projekti i Unazës së Re është programi stazheve të punës për 10 mijë të rinjtë me një vlerë fillestare prej 25 milionë eurosh në vit që do tu përgjigjet 10 mijë të sapodiplomuarve për një vit ku do të kenë një pagesë nga shteti prej 300 mijë lekësh, në stazh pune dhe ambjent pune. Pse?! Që të mësojnë hapat e parë në një ambjent krejt ndryshe nga universiteti që është ambjenti i punës. Të krijojnë rrjetin e njohjeve dhe të fillojnë të zbatojnë aplikimin praktik të profesionit të tyre.
Nuk munguan as replikat, kur të rinjtë akuzuan qeverinë e djathtë si shkak për emigracionin e lartë.
Studenti: Ju jeni një produkt së bashku me çdo politikan tjetër i kësaj politike që është cilësuar si katalizator i rrënimit kulturor, ekonomik të këtij vendi. Jeni ju, Rama, Meta, Berisha. Të gjithë janë të përfolur për afera nga më të ndryshmet.