Dhunë e përleshje tek Parlamenti. Banorët e Unazës së Re por jo vetëm janë përleshur me policinë. Ata kanë tentuar të çajnë rrethimin e formuar nga efektivët e policisë për të hyrë në parlament ku po zhvillohej seanca plenare, ndërsa kanë protestuar për rreth dy orë.
Më pas ata janë larguar por kanë paralajmëruar vazhdimin e protestës në orët e pasdites. Banorët kanë deklaruar se do të rinisin revoltën e tyre në orën 17:00.
Nga përplasja mes forcave të policisë dhe banorëve të Astirit është lënduar nga protestuesit nëndrejtori i Policisë së Tiranës, Dhimitraq Ziu.
Gjithashtu 6 punonjës policie janë lënduar si pasojë e tymuesve dhe shashkave, ndërsa janë marrë nga ambulanca dhe janë transportuar në spital. Gazetarja Dorjana Bezat raportoi se policia ka shoqëruar disa protestues në komisariat dhe ka bërë thirrje të mos hidhen mjete piro teknike dhe tymuese.