Ndërkohë që studentët ashtu si kanë njoftuar më herët, pritet të bashkohen ditën e henë në një protestë masive para Kryeministrisë, në vijim të protestës së nisur për plotësimin e kërkesave pa dialog me Ramën, ish-kryeministri Berisha ka një apel për shqiptarët.
Në faqen e tij në rrjetin social Facebook, ai ka postuar një video për protestën që do të mbahet paraditen e së hënës para zyrës së Ramës.
“Bashkohuni me studentët, ditën e hënë, 7 janar, ora 10:00 para Kryeministrisë!”- shkruan Berisha.