Ndërsa orët kalojnë edhe bilanci i viktimave nga 6 sulme në tre kisha dhe 3 hotele të Sri Lankës sa vijnë e shtohen. Deri më tani raportohet për të paktën 190 të vdekur.
Për ngjarjen e rëndë ka reaguar edhe Presidenti i vendit, Ilir Meta, i cili përmes një statusi në Facebook dënon sulmin terrorist për shkak të besimit fetar dhe lutet për familjarët e viktimave e të plagosurve.
STATUSI I PLOTE I METES
Një lajm shumë i keq dhe shokues na vjen nga Sri Lanka. Në ditën e Pashkëve, besimtarë të krishterë të pafajshëm janë sulmuar nga terroristë mizor të cilët përdorin besimin fetar për agjendat e tyre politike.
Mendimet dhe lutjet e mia janë me familjet e viktimave dhe të lënduarve.
(m.a/BalkanWeb)