Presidenti i vendit Ilir Meta ka reaguar pas lajmit për vrasjen e liderit të ISIS, Abu Bakr al-Bagdadit.
Në një postim në Facebook, kreu i vendit shprehet se ky është një lajm shumë i mirë për njerëzimin.
“Ikja në ferr e Al-Baghdadi është një lajm shumë i mirë për njerëzimin, për një botë në paqe dhe më të sigurt! Mbështes plotësisht deklaratën e Presidentit Trump! Krenar që Shqipëria është pjesë e koalicionit botëror në luftën kundër terrorizmit!”-shkroi Meta.
Lajmi për vdekjen e liderit të organizatës terroriste, ISIS, Abu Bakr al-Bagdadit u konfirmua nga vetë presidenti i Shteteve të Bashkuara të Amerikës, Donald Trump.
Duke folur nga Shtëpia e Bardhë, Trump tha se Abu Bakr al-Baghdadi kreu vetëvrasje duke shpërthyer vetë jelekun-bombë që mbante veshur për të mos rënë në duart e komandove të posaçëm amerikanë në orët e vona të së shtunës, 27 tetor.