Afganët në Shqipëri, Komuniteti Mysliman: Mysafiri është amanet i Zotit, t’i mirëpresim dhe t’i ndihmojmë

0
790

Komuniteti Mysliman i Shqipërisë e ka mirëpritur vendimin e Shqipërisë për të strehuar afganë në vendin tonë.

Me anë të një postimi në Facebook, Komuniteti shprehet se “mysafiri është amanet i Zotit për mikpritësin.”

Gjithashtu kanë shprehur gatishmërinë e tyre për të ndihmuar në këtë situatë nëse do të jetë e  nevojshme.

Mesazhi i plotë:

“Me emrin e Zotit, Mëshiruesit Mëshirëbërësit!

Të dashur qytetarë, myslimanët anë e kënd botës, këto ditë, janë në muajin e parë të vitit të ri hixhri.

Viti i ri në fenë islame është përkujtimi i emigrimit të Profetit Muhamed (a.s.) dhe myslimanëve nga Meka për në Medinë, si shkak i persekutimit dhe përndjekjes.

Motra dhe vëllezër, ditët e fundit u njohëm me lajmin se vendi ynë, Shqipëria, do të strehojë qindra mërgimtarë nga Afganistani, të cilët ikin nga përndjekja e regjimit të ri që po vjen në vendin e tyre.

Si besimtarë dhe si shqiptarë ne na takon t’i mirëpresim dhe të tregohemi bujarë me ta.

Mysafiri është amanet i Zotit për mikpritësin.

Institucionet e vendit dhe aleatët e vendit tonë kanë marrë të gjitha masat e duhura që kjo situatë të menaxhohet më së miri.

Komuniteti Mysliman i Shqipërisë është i gatshtshëm të japë ndihmesën e tij, në qoftë se nevojitet, për këtë rast.

Gjithashtu, ne i bëjmë thirrje besimtarëve të tregohen bujarë, të paqtë dhe mikpritës me mërgimtarët për hir të Allahut.

I lutemi Zotit të gjithësisë që konfliktet dhe luftërat të marrin fund në çdo vend të botës!”

LEAVE A REPLY

Please enter your comment!
Please enter your name here