Ministri i Mjedisit, Blendi Klosi ka bërë bilancin e pastrimit të territorit në kuadër të një aksioni të ndërmarrë nga ky dikaster. Në një deklaratë për mediat, Klosi tha se këtij aksioni iu bashkuan 12 prefektët e vendit, bashkitë, por edhe qytetarë të thjeshtë.
Ministri tha se nëse ajo që u bë në një javë mund të çbëhet në një ditë, ndaj për ketë ligji do të zbatohet për të gjithë ata që ndotin mjedistin.
Klosi: Puna e të gjithë këtyre njerëzve na vë edhe më shumë përpara përgjegjësisë. Na bën edhe më kokë ulur përpara qytetarëve që një Shqipëri të pastër. Ajo çka u bë në një javë mund të çbëhet në një ditë nëse ne nuk forcojmë zbatimin e ligjit dhe masat represive ndaj atyre që ndotin mjedisin. Ndotja nuk na vjen nga një planet tjetër, ata janë mes nesh. Ata që ndotin janë shqiptarë, por nuk janë shqiptarë patriotë. Ka ikur koha kur ndarja e përgjegjësisë të jetë e përbashkët. I përbashkët është vetëm mjedisi dhe detyrim për ta mbajtur atë të pastër. Ndotja është penalitet personal i gjithë secilit që ndot. Ndaj në përfundim të javë së tokës se do të jetë ligji që do të garantojë një Shqipëri më të pastër.