Prokuroria e Tiranës i ka kërkuar gjykatës mbylljen e dosjes së CEZ, referuar nga Kuvendi i Shqipërisë pas një hetimi disamujor, ku në listën e të kallëzuarve ishin edhe Sali Berisha dhe i biri i tij, Shkëlzeni.
Pikërisht në seancën gjyqësore që po zhvillohej sot, organi i akuzës nuk ka pasur përfaqësues, ndërsa i pranishëm ka qenë edhe dëshmitari Nue Nik Kalaj.
Përfaqësuesi i Kuvendit të Shqipërisë, Taulant Balla e cilësoi qesharake mungesën e tyre, ndërsa i qëndroi tezës së tij se kjo dosje nuk do të mbyllet.
“Qesharake mungesa e Prokurorisë kur pretendon të mbyllë një prej dosjeve më të mëdha të korrupsionit në Shqipëri.
Cështja CEZ nuk do të mbyllet. Provat janë të qarta. Paratë e ryshfetit për pushtetin e Sali Berishës u paguan në sytë e publikut, 7 milionë euro”,- tha ai.