Kur Hysni Rexha nga Kosova bëri ëndrrën e tij realitet duke marrë 4 ujqër të egër për t’i rritur dhe për t’i zbutur, ai ishte në dilemë për emrat që do i vendoste.
Por duket se tashmë njërit ja ka gjetur emrin dhe i ka vendosur emrin e presidentit amerikan Donald Trump. Pikërisht në lidhje me këtë vendim të shqiptarit nga Gjakova ka shkruar edhe agjencia e lajmeve Reuters.
“Unë admiroj presidentin Trump, pasi ai ka shumë energji, jep urdhra dhe është trim. Prandaj e kam quajtur ujkun tim Donald Trump sepse ai bën të njëjtat gjëra. Ai nuk bën atë që bëjnë të tjerët, pasi ka stilin e tij dhe bën misionin e tij”- thotë Hysni Rexha, shkruan Reuters, raporton BalkanWeb.