Një 58-vjeçare është dhunuar nga policia e Laçit. Familjarët e saj kanë bërë denoncim në komisariatin e Kurbinit për dhunën e ushtruar ne ditën e pelegrinazhit në Kishën e Shna Ndout. Pashke Gjoka 58 vjeçe me banim në afërsi të Kishës, e cila tregtonte qirinj anës së rrugës, tregon se disa efektivë të policisë kanë tentuar të largojnë gruan, ndërsa e kanë tërhequr me forcë duke i shkaktuar dëmtime në trup. Ajo është dërguar në spital për mjekime.
Zyrtarisht policia e Kurbinit nuk ka dhënë asnjë sqarim për ngjarjen në fjalë, duke mos pranuar por as hedhur poshtë pretendimet e 58 vjeçares.