Goditja e grupeve kriminale duhet bërë aty ku u dhëmb më shumë, në financat e tyre dhe për të patur rezultate në këtë fushë puna ka nisur. Megjithëse i rezervuar në detajet që dha, ambasadori Britanik në Shqipëri Duncan Norman deklaroj nga Shkodra se goditjet e para kanë nisur, e shumë shpejt do të vijnë të tjera.
Lufta ndaj krimit të organizuar është një prej 5 kritereve që Shqipëria duhet të përmbush për anëtarësimin në BE-së, ku vlerësimi për çeljen e negociatave do të jepet në qershor. Por Duncan u kujdes të shtojë se tensionet e brendshme politike nuk ndikojnë në këtë drejtim.
Për valën e protestave që ka nisur opozita ka vetëm një porosi, të jenë paqësore.
Edhe Britania i bashkohet mesazheve që shumë shtete të tjera Europiane kanë dhënë sa i përket zhvillimeve të fundit që po kalon vendi, duke kërkuar që fokusi kryesor të jetë tek goditja e fenomeve negative, që pengojnë proçesin integrues.