Duke uruar një fundjavë të qetë, kryeministri Edi Rama e ka nisur ditën me një ftesë për të gjithë të apasionuarit pas fotografisë.
Nëpërmjet postimit të tij Rama ka njoftuar çeljen e konkursit të fotografisë dixhitale ‘Colours of Albania 2018’. Sipas tij, ky konkurs këtë vit do të fokusohet tek “Trashëgimia kulturore dhe përkatësia evropiane” e Shqipërisë.
Postimi i plotë:
MIRËMËNGJES ?
dhe me lajmin e çeljes së konkursit të fotografisë dixhitale #ColoursofAlbania2018, që për këtë vit do të fokusohet tek “Trashëgimia kulturore dhe përkatësia evropiane” e Shqipërisë, ju uroj një fundjavë të qetë??
Konkursi do të jetë i hapur deri më 30 korrik 2018 për të gjitha fotot tuaja që do të nxjerrin në pah vlerat e jashtëzakonshme të shoqërisë shqiptare apo pamjet mahnitëse që aparati juaj mund të kapë lehtësisht në çdo pëllëmbë të vendit.