Nëse deri dje Shqipërisë i vinin nota kritike nga Kroacia për ndotjet qe përmes bregdetit përfundonin në këtë shtet, sot palët do të jenë pjesë e një bashkëpunimi të ndërsjelltë për çeshtjen e pastërtisë së Adriatikut. Bashkëpunimi që ka ulur në një tryeze vendet e rajonit, me asistencë të bashkimit Europian dhe disa organizma, synon të gjejë zgjidhjet afatshkurta dhe ato afatgjata, për një bregdet dhe territor të pastër.
Aksioni që do të ndërmerret në terren i ka të qarta pikat e ndërhyrjes, ndërsa paralelisht numri dy i ministrisë së mjedisit, sqaron se për shkelësit e ligjit nuk do të mungojnë masat ndëshkimore me gjobë.
Tryeza e diskutimit e mbajtur në Shkoder me përfaqësuesit e këtyre organizmave është hapi i parë i një projekti që synon në të ardhmen e afërt të përfitojë edhe fondet përkatese nga bashkimi europian.