Në një mjedis miqësor, mes kolegësh dhe studentësh, pedagogu i letersisë në universitetin “Luigj Gurakuqi”, Arben Prendi prezantoj librin e tij të ri, “Vepra poetike”. Botimi përfshin një përzgjedhje të krijimtarisë më të mirë të tij dhe është strukturuar në shtatë cikle. Poezitë janë të natyrës meditative dhe reflektive, të ngjyrosura me momente të veçanta jetësore.
Ironia është “shoqe” ngushëlluese në këtë poezi, përmes kësaj ndriçohet natyra e botës dhe e ekzistencës. Arben Prendi është një pedagog dhe studiues i formuar që vjen më këtë vëllim poezish pas një përvoje shumë të gjatë në mësimdhënie dhe në kërkim shkencor.