Ish-kreu i Bashkisë së Kavajës, Elvis Roshi ka pranuar akuzën për falsifikim të formularit të dekriminalizimit, ndërsa ka dhënë dhe arsyet se pse ka ndodhur diçka e tillë sipas tij.
“Plotësimi i gabuar i formularit të dekriminalizimit ka ardhur për shkak të neglizhencës. Mbase duhet të merrja avokat për plotësimin e formularit”- është shprehur Elvis Rroshi gjatë ditës së sotme.
Në formularin e dekriminalizimit, Roshi kishte shënuar se nuk kishte pasur precedentë të mëparshëm penale, por nga verifikimi i Prokurorisë rezultoi se ai kishte pasur disa masa sigurimi, ndalime dhe dëbime në Itali, Zvicër dhe Gjermani.
Ish kreu i bashkisë së Kavajës po gjykohet në Gjykatën e Rrethit të Tiranës, ndërsa pas dy ditësh Prokuroria pritet të japë pretencën