Ambasadori i BE në vendin tonë, Luigi Soreca ka deklaruar se duhet të ketë një ministri të Brendshme funksionale.
“Kohët e fundit janë marrë operacione të rëndësishme kundër krimit të organizuar”, u shpreh ambasadori Soreca, ndërsa theksoi se duhet të vijojë lufta kundër krimit të organizuar.
Në lidhje me proceset integruese të Shqipërisë, Soreca u shpreh se qeveria dhe bashkitë duhet të përfshijnë më shume shoqëritë civile në procesin e integrimit.
Deklaratat e ambasadorit Soreca u bënë gjatë një aktiviteti ku delegacioni i Bashkimit Evropian do të zhvillojë konsultime publike me organizatat e shoqërisë civile për dy ditë.
Delegacioni i Bashkimit Evropian është duke u përgatitur për Raportin Vjetor të Komisionit Evropain mbi Shqipërinë, 2019.