Ka nisur seanca dëgjimore për Prokurorin Ramadan Troci. Ai do të hetohet me përparësi nga KPK pasi është edhe kandidat për Këshillin e Lartë të Prokurorisë.
Troci nuk është i pranishëm në seancë, por do të përfaqësohet nga avokati i tij, Ardian Leka.
Komisioni i Pavarur i Kualifikimit thotë se për pasurinë ILDKPKI ka dorëzuar një raport, sipas të cilit Troci ka kryer deklarim jo të saktë.
Sipas ILDKPKI është konstatuar se deklarimi nuk është i saktë në përputhje me ligjin, pasi ka fshehje të pasurisë dhe ka bërë deklarim të rremë.