Kryebashkiaku i zgjedhur i Shkodrës, Valdrin Pjetri hodhi poshtë akuzat e Partisë Demokratike se është ndaluar nga policia italiane apo është dëbuar nga shteti fqinj.
Kjo ka sjellë replikën e PD, cila në një deklaratë për mediet thekson se Valdrini, si një ndër përfaqësuesit më të rinj të klanit kriminal Rama, vazhdon në gjurmët e Gjushit me shokë, ndërsa citon se të gjitha hyrjet dhe daljet e tij janë të regjistruara në sistemin TIMS.
PD ka publikuar edhe dokumentin ku shihet se Pjetri, nuk ka udhëtuar drejt Italisë nga viti 2002 deri në 2010.
“Ai deklaroi se ka lëvizur drejt Italisë në periudhën 2002- 2010 dhe për këtë gjoja ishte i qetë. Valdrini i partisë harron se të gjitha lëvizjet janë të monitoruara nga sistemi TIMS. Valdrini, si përfaqësues ndër më të rinjtë të klanit kriminal Rama, vazhdon në gjurmët e Gjushit me shokë. Partia Demokratike disponon dhe sot, bën publik dokumentin e nxjerrë nga sistemi TIMS, ku vërtetohet se Valdrin Luigj Pjetri, nuk ka udhëtuar drejt Italisë nga viti 2002 deri në 2010”,– njofton PD.
Më poshtë PD i ka adresuar edhe disa pyetje kryebashkiakut të ri të Shkodrës, i cili ditën e sotme foli për gjyq publik dhe se fjala e fundit i takon prokurorisë.
“Pra Vladrin Pjetri eshte kapur sot ne nje genjeshter te trashe, duke u perpjekur te mashtroje qytetaret e shkoderes.
Ne vend te genjeshtrave, Valdrin Pjetri duhet t’i jap përgjigje ketyre pyetjeve:
1. Pse i ndërpreve studimet në itali, ku qëndrove vetëm një vit?
2. Pse gënjen kur thua se ke shkruar rregullisht në Itali, ku sistemi TIMS konfirmon atë që PD ka thënë, që ti nuk ke shkelur ne Itali në periudhën 2002- 2010?
3. A je arrestuar dhe a je denuar me 18 muaj burg në Itali, apo edhe ti nuk din gjë për këtë si Elvis Rroshi i Kavajës?
4. A të kanë dëbuar nga Italia si person që përben rrezik për sigurinë publike atje?
5. A e njeh Altin Dodën dhe a ke qenë i përfshire bashkë me të në trafik droge dhe vjedhje?
6. A buron pasuria jote nga trafiku i drogës dhe a jeni ju subjekt i ligjit antimafia?
Këto janë pyetjet që presin pergjigje qytetarët e Shkodres dhe jo gënjeshtrat e tua me zë të mekur dhe që shfaqin qartë hallin e madh ku ke rënë”.
Në përfundim të deklaratës së tyre, PD rikonfirmon se Pjetrin nuk e pret karrigia e kryetarit të Bashkise Shkodër, por qelia e burgut dhe se Rama nuk e shpëton dot.
“Partia Demokratike rikonfirmon sot se Vladrin Pjetrin, perfaqesuesin e klanit kriminal te Rilindjes ne Shkoder, nuk e pret karrigia e kryetarit të Bashkise Shkodër, por qelia e burgut, për falsifikm të formularit të dekriminalizimit. Edi Rama nuk e mbron dot, siç nuk mbrojti dot me mashtrime as Elvis Rroshin, as Mark Frrokun, as Arben Ndokën, as Armando Prengën dhe kriminelë të tjerë të sojit tënd”.
